Լեռնադահուկորդ Արսեն Ներսիսյանը 5-րդ տեղը գրավեց Թուրքիայի
միջազգային մրցաշարում
09-01-2009 18:45:00 | Հայաստան | Սպորտ
ԿԵՍԱՐԻԱ, 9 ՀՈՒՆՎԱՐԻ, ՆՈՅՅԱՆ ՏԱՊԱՆ: Հունվարի 6-ին Թուրքիայի
Կեսարիա քաղաքում մեկնարկած լեռնադահուկային սպորտի միջազգային
խոշոր մրցաշարում Հայաստանը ներկայացնում են 5 մարզիկներ (4
տղամարդ եւ 1 կին, բոլորն էլ Հրազդանից): Հատուկ ոլորավայրէջքում
գոհացնող մրցելույթ ունեցավ Արսեն Ներսիսյանը, ով հաղթահարեց
նախնական փուլերի արգելքները, անցավ եզրափակիչ եւ վերջնականապես
գրավեց 5-րդ պատվավոր տեղը: Նույն մրցաձեւում եզրափակիչ փուլ
չկարողացավ անցնել Աբրահամ Սարկախյանը:
Նշենք, որ այս երկու մարզիկները դեռեւս անցյալ տարեվերջում
միջազգային վարկանիշային մրցաշարում իրենց համար ապահովել են
«Վանկուվեր-2010» ձմեռային օլիմպիական խաղերի մասնակցության
ուղեգիր: