Ադրբեջանական ԶԼՄ-ները հայտնում են Լաչինի անցակետում առևանգված 3 երիտասարդի մասին ու նշում պատճառը
28-08-2023 15:40:26 | Հայաստան | Ի՞նչ է գրում մամուլը
Հայկական ժամանակ. Ադրբեջանական լրատվամիջոցները հայտնում են, որ Լաչինի սահմանային անցակետից 3 երիտասարդ տղաներ են առևանգվել:
Ըստ հրապարակումների՝ բերման ենթարկվածները «Մարտունի Ավո» ֆուտբոլային թիմի մարզիկներ են, որոնք իբր որոշ ժամանակ առաջ «անարգել են Ադրբեջանի դրոշը»:
Տարածված տեսանյութի համաձայն՝ ֆուտբոլային ակումբի խաղացողները ոտքերն են սրբել Ադրբեջանի դրոշի վրա։ Տեսանյութը թվագրվում է 2021 թվականի:
Նշվում է նաև, որ ակումբի մնացած անդամները ևս հետախուզվում են։
Ավելի վաղ հայտնել էինք, որ ադրբեջանական կողմը Լաչինի միջանցքում գտնվող ապօրինի անցակետում առևանգել է ռուս խաղաղապահների ուղեկցությամբ ԼՂ-ից Հայաստան եկող Ալեն Նելսոնի Սարգսյանին՝ ծնված 2001թ.: