Ֆրանսիական հումանիտար բեռը Երևանից շարժվեց դեպի Կոռնիձոր
30-08-2023 10:33:35 | Հայաստան | Ի՞նչ է գրում մամուլը
Ազատություն. Փարիզի և ֆրանսիական մի շարք խոշոր քաղաքների իշխանությունների ուղարկած հումանիտար բեռը՝ 10 բեռնատարներով այսօր վաղ առավոտյան Երևանի հանրապետության հրապարակից շարժվել է դեպի Կոռնիձոր՝ այնտեղից Արցախ ուղևորվելու համար։
Շարասյունն ուղեկցում է Փարիզի քաղաքապետ Անն Իդալգոն։
«Մենք կփորձենք տեղ հասցնել առաջին անհրաժեշտության ապրանքներով բեռնված 10 բեռնատար», - երեկ ասել էր Մարսելի քաղաքապետ Միշել Ռյուբիրոլան:
Կովկասում Ֆրանսիայի գործունեությունը լուսաբանող Caucasefrance.com կայքը երեկ տեղեկացրել էր, որ Փարիզի քաղաքապետը կժամանի Հայաստան և Երևանից կուղեկցի հումանիտար բեռները դեպի Լաչինի միջանցք: Ըստ աղբյուրի՝ ֆրանսիական պատվիրակության կազմում են նաև Ֆրանսիայի Սենատի անդամ Բրյունո Ռետայոն, Օ-դը-Ֆրանս շրջանի ղեկավար Քսավիե Բերտրանը, Ստրասբուրգի քաղաքապետ Ժաննա Բարսեղյանը և այլք:
Ֆրանսիական օգնությամբ առաջին բեռնատարները Կոռնիձորում են դեռևս օգոստոսի 9-ից, որտեղ հուլիսի 26-ից սպասում է նաև Հայաստանից Լեռնային Ղարաբաղ ուղարկվող մոտ 400 տոննա հումանիտար օգնությունը․ Ադրբեջանը թույլ չի տալիս Լաչինի միջանցքով բեռների մուտքը Լեռնային Ղարաբաղ։
ՀԱՅԵՐԵՆ
Русский
English
Դաս. հայերեն
French
