Ադրբեջանը հայտարարել է ավելի քան 90 մարտական դիրքի՝ իր վերահսկողության տակ առնելու մասին
20-09-2023 14:18:54 | Հայաստան | Ի՞նչ է գրում մամուլը
Հայկական ժամանակ. Երեքշաբթի օրվանից ադրբեջանական բանակը վերահսկողության տակ է վերցրել ԼՂ զինված ուժերի ավելի քան 90 մարտական դիրք:
Այս մասին հայտարարել է Ադրբեջանի ՊՆ մամուլի խոսնակ Անար Էյվազովը։
Ինչպես արդեն հայտնել ենք, Ղարաբաղում տեղակայված ռուսական խաղաղապահ կոնտինգենտի հրամանատարության միջնորդությամբ պայմանավորվածություն է ձեռք բերվել 2023 թվականի սեպտեմբերի 20-ի ժամը 13:00-ից ռազմական գործողությունների ամբողջական դադարեցման մասին։
Պայմանավորվածություն է ձեռք բերվել ռուսական խաղաղապահ զորախմբի տեղակայման գոտուց Հայաստանի Հանրապետության զինված ուժերի մնացած ստորաբաժանումների և զինվորական անձնակազմի դուրսբերման, ինչպես նաև ԶՈՒ-ի զինված կազմավորումների լուծարման և Լեռնային Ղարաբաղի պաշտպանության բանակի ամբողջական զինաթափման մասին։
ՀԱՅԵՐԵՆ
Русский
English
Դաս. հայերեն
French
