Նյու Յորքում ՄԱԿ ԳԱ 78-րդ նստաշրջանի շրջանակներում ՀՀ ԱԳ նախարար Արարատ Միրզոյանը հանդիպում է ունեցել Լեհաստանի ԱԳ նախարար Զբիգնև Ռաուի հետ
22-09-2023 12:16:45 | Հայաստան | Մամլո հաղորդագրություն
Սեպտեմբերի 21-ին Նյու Յորքում ՄԱԿ ԳԱ 78-րդ նստաշրջանի շրջանակներում ՀՀ ԱԳ նախարար Արարատ Միրզոյանը հանդիպում է ունեցել Լեհաստանի ԱԳ նախարար Զբիգնև Ռաուի հետ:
Հանդիպման ընթացքում քննարկվել են տարածաշրջանային անվտնագության և կայունության հարցերը: Անդրադառնալով սեպտեմբերի 19-ին Ադրբեջանի կողմից Լեռնային Ղարաբաղի ժողովրդի դեմ սանձազերծված ագրեսիային՝ նախարար Միրզոյանն ընդգծել է ԼՂ ժողովրդին էթնիկ զտումների ենթարկելու Բաքվի քաղաքականության անթույլատրելիությունը։ Լեռնային Ղարաբաղում զանգվածային ոճրագործությունների և հումանիտար աղետի կանխման համատեքստում կարևորվել է միջազգային գործընկերների արդյունավետ և հստակ քայլերի հրատապությունը։
Հանդիպման օրակարգում էին նաև հայ-լեհական երկկողմ օրակարգին, ինչպես մաև` ՀՀ-ԵՄ գործընկերությանն առնչվող հարցերը։
ՀԱՅԵՐԵՆ
Русский
English
Դաս. հայերեն
French
