Շիֆը կոչ է արել Բայդենի վարչակազմին օգնել՝ օդային ճանապարհով տարհանելու ԼՂ-ում պայթյունից տուժածներին
26-09-2023 13:39:28 | Հայաստան | Ի՞նչ է գրում մամուլը
Հայկական ժամանակ. ԱՄՆ կոնգրեսական Ադամ Շիֆը կոչ է արել ԱՄՆ նախագահ Ջո Բայդենին առանց հապաղելու մարդասիրական օգնություն տրամադրել ԼՂ-ում պայթյունի հետևանքով տուժած քաղաքացիներին, որոնք աժմ Ստեփանակերտում չեն կարողանում ստանալ անհրաժեշտ բուժօգնություն։
Այս մասին Շիֆը գրել է X-ի (նախկին՝ «Թվիթեր») միկրոբլոգում:
«Իմ գրասենյակն ուշադիր հետևում է Արցախում իրադրության զարգացումներին։ Խիստ մտահոգիչ են տեղեկությունները պայթյունի հետևանքով հարյուրավոր վիրավորների մասին։ Կոչ եմ անում Բայդենի վարչակազմին անհապաղ մարդասիրական օգնություն ուղարկել և օգնել տուժածներին օդային ճանապարհով տարհանելու հարցում։ Ալիևը պետք է առանց նախապայմանների ու սահմանափակումների թույլ տա օգնության ազատ հոսքը»,- գրել է նա:
ՀԱՅԵՐԵՆ
Русский
English
Դաս. հայերեն
French
