Բեյրութում հայերը փորձել են հարձակվել Ադրբեջանի դեսպանատան վրա
29-09-2023 10:13:52 | Հայաստան | Ի՞նչ է գրում մամուլը
Ազատություն. Բեյրութում սեպտեմբերի 28-ին հայերը փորձել են հարձակվել Լիբանանում Ադրբեջանի դեսպանատան վրա: Այդ մասին հայտնում են ադրբեջանական APA և Vesti.az լրատվական կայքերը:
Հաղորդվում է, որ մոտ 1500 հայեր, ենթադրաբար՝ մեծ մասը դաշնակցական ակտիվիստներ, փորձել են հարձակվել ադրբեջանական դեսպանատան վրա «այն բանից հետո, երբ Ղարաբաղի անջատողական վարչակազմը հայտարարել է ինքնալուծարման մասին»։
Նրանց դեսպանատան մոտակայքում կանգնեցրել են Լիբանանի անվտանգության ուժերը: Տեղի է ունեցել բախում Լիբանանի իրավապահների և հայ ակտիվիստների միջև։
Ըստ տեղեկությունների, հայ ակտիվիստները «մոլոտովյան կոկտեյլներով» շշեր, քարեր և ճայթուկներ են նետել ոստիկանների վրա: Իրավապահներն արցունքաբեր գազով են պատասխանել:
Անվտանգության ուժերը զայրացած ամբոխին թույլ չեն տվել ներխուժել Ադրբեջանի դեսպանատուն։
ՀԱՅԵՐԵՆ
Русский
English
Դաս. հայերեն
French
