ՌԴ ԱԳՆ․ Բաքվի ներխուժումը ՀՀ տարածք արդարացված է, Մեղրիի միջանցքը պետք է բացվի
09-10-2023 12:36:31 | Հայաստան | Ի՞նչ է գրում մամուլը
Lragir.am. RBC-ին տված հարցազրույցում ՌԴ փոխարտգործնախարար Միխայիլ Գալուզինի հայտարարությունները Արցախի ոչնչացման եւ Հայաստանի պետականության վերացման Մոսկվայի պլանավորման եւ առաջնորդության ուղիղ ինքնախոստովանություններ են, միեւնույն ժամանակ՝ դրանք նախանշում են ՀՀ սահմանադրական տարածքի առաջիկա վերաձեւման Մոսկվայի մտադրությունները։ Հատվածներն այդ հարցազրույցից ներկայացնում ենք առանց մեկնաբանության․
Մեղրիի երթուղու ստեղծումը շատ կարևոր գործոն կլինի Անդրկովկասում ընդհանուր կայունացման համար, ասել է Գալուզինը։
Պարզաբանելու համար, թե արդյոք նա նկատի ունի «Զանգեզուրի միջանցքը», Գալուզինը նշել է, որ «ի վերջո, խոսքը Հայաստանի տարածքով անցնող երկաթուղու մասին է, ուստի ես ինձ թույլ տվեցի օգտագործել Մեղրիի երթուղի անունը։ Այո, Ադրբեջանում դա կոչվում է Զանգեզուրի միջանցք։ Որպեսզի ձեւակերպումը հարմար լինի բոլորին, ասենք այսպես՝ մենք ակտիվորեն օգնում ենք մեր ադրբեջանցի և հայ գործընկերներին համաձայնության գալ։ ․․․ Ադրբեջանը հնարավորություն կունենա անխափան ռիթմիկ տրանսպորտային կապեր ունենալ երկրի երկու հատվածների միջև»:
Միխայիլ Գալուզինը, պատասխանելով 2021 թվականի մայիսին և 2022 թվականի սեպտեմբերին Հայաստանի տարածք Բաքվի ներխուժման մասին լրագրողի հարցին, ասել է, որ եթե կողմերը պահպանեին 2020 թվականի նոյեմբերի եռակողմ համաձայնագիրը, ապա «պարզ կլիներ, թե ով որտեղ է հարվածել և ով ինչ է այս կամ այն կերպ զբաղեցրել»։
«Կարծում եմ, դուք բազմիցս տեսել եք ՌԴ ԱԳՆ հաղորդագրություններում բազմաթիվ խոսքեր այն մասին, որ մենք մերժում ենք նախկինում տեղի ունեցած եռակողմ հայտարարությունների խախտումները (?)։ Այսպիսով, այստեղ ես դեռ ռիսկի կդիմեմ ձեզ ուղղելու: Այն առումով, որ մենք բոլորովին հավանություն չենք տալիս 2020 թվականի նոյեմբերի եռակողմ հայտարարության խախտումներին, անկախ նրանից, թե ում կողմից են դրանք տեղի ունենում»։
Լրագրողը հիշեցրել է, որ խոսքը 2021 թվականի մայիսի և 2022 թվականի սեպտեմբերի մասին է, երբ հարձակումներ են իրականացվել հայկական Վարդենիս և Ջերմուկ քաղաքների վրա, և արձանագրվել է, որ ադրբեջանական կողմից հարձակումները եղել են հենց Հայաստանի տարածքի վրա։ «Այն ամենը, ինչ դուք ասացիք, վկայում է այն մասին, որ կողմերը ի սկզբանե պետք է կատարեին այն, ինչ պայմանավորվել էին 2020 թվականի նոյեմբերին։ Այն է՝ սահմանների սահմանազատում և սահմանագծում։ Այդ ժամանակ պարզ կլիներ, թե ով որտեղ է հարվածել, ով ինչ է այս կամ այն կերպ զբաղեցրել»:
«Լեռնային Ղարաբաղում հակամարտությունը դեռ չի ավարտվել: ․․․ կարծում եմ, որ կոնֆլիկտային իրավիճակի վերջը դեռ չի հասել։ Եվ այստեղ ակտուալ է մնում Ռուսաստանի, Ադրբեջանի և Հայաստանի ղեկավարների միջև եռակողմ պայմանավորվածությունների համալիրը։
Խոսքն այնպիսի կարևոր բաղադրիչների շուրջ պայմանավորվածությունների ձեռքբերման մասին է, ինչպիսիք են Հայաստանի և Ադրբեջանի միջև տրանսպորտային հաղորդակցությունների և տնտեսական կապերի ապաշրջափակումը, սահմանի դելիմիտացիան՝ դրա հետագա դեմարկացմամբ, խաղաղության պայմանագրի ստորագրումը»։
Ռուսաստանը, Եվրամիությունը և ԱՄՆ-ն կարող են համատեղ աշխատել Հայաստանի և Ադրբեջանի միջև հարաբերությունների կարգավորման ուղղությամբ միայն այն դեպքում, եթե Արևմուտքը հաշվի առնի Մոսկվայի միջնորդությամբ ձեռք բերված պայմանավորվածությունները:
«Կարող ենք միասին աշխատել հայ-ադրբեջանական կարգավորման ուղղությամբ, բայց այն ըմբռնմամբ, որ Եվրամիությունն ու ԱՄՆ-ն չեն վերցնելու մեր մշակումները և դրանք ներկայացնեն որպես իրենց առաջարկներ, այլ իրենց գործողությունները կտեղավորվեն հայ-ադրբեջանական կարգավորման այն ձևաչափերում, որոնք արդեն մշակվել են կողմերի միջև Ռուսաստանի միջնորդությամբ։ Հենց այս տեսանկյունից ենք մենք մոտենում Եվրամիության և ԱՄՆ-ի հետ շփումներին այդ հարցի շուրջ», – ասել է ՌԴ ԱԳ փոխնախարարը (ընդգծումները Լրագրի)։
Ավելացնենք, որ Գալուզինը Մոսկվայի ոճրագործություններն արդարացրել է Նիկոլի շնորհած՝ «Արեւմուտքը ցանկանում է Ռուսաստանի դուրս մղել տարածաշրջանից», «ամեն ինչի պատճառը Հայաստանի կողմից Ղարաբաղի ճանաչումն է որպես ազերբայդժան» ռուսական ավանդական նողկալի ատմազկաներով։
ՀԱՅԵՐԵՆ
Русский
English
Դաս. հայերեն
French
