Բայրամովն ու Իրանի փոխարտգործնախարարը քննարկել են տարածաշրջանային հարցեր
10-10-2023 13:11:39 | Հայաստան | Ի՞նչ է գրում մամուլը
Ազատություն. «Հյուսիս-Հարավ» տրանսպորտային միջանցքի իրականացման, «Արևելյան Զանգեզուրի» տնտեսական շրջանի և Նախիջևանի միջև հաղորդակցությունների իրականացման շուրջ են խոսել Բաքվում գտնվող Իրանի փոխարտգործնախարար Մեհդի Սաֆարին ու Ադրբեջանի արտգործնախարարա Ջեյհուն Բայրամովը, հաղորդում է ադրբեջանական Turan գործակալությունը։
Կողմերը քննարկել են նաև տարածաշրջանում տեղի ունեցող վերջին գործընթացները։
Ըստ հաղորդման՝ Սաֆարին Ադրբեջանում է Տնտեսական համագործակցության կազմակերպության ԱԳ նախարարների խորհրդի նիստի շրջանակներում։
Տնտեսական համագործակցության կազմակերպությունը տարածաշրջանային միջպետական կառույց է, որին միացել են Ադրբեջանը, Աֆղանստանը, Իրանը, Ղազախստանը, Ղրղըզստանը, Պակիստանը, Տաջիկստանը, Թուրքմենստանը, Թուրքիան և Ուզբեկստանը։ Կառույցի 27-րդ նիստը տեղի է ունենում Շուշիում։