Թուրքիան վերստին պատրաստ է կազմակերպել Ռուսաստանի և Ուկրաինայի բանակցությունները
25-11-2023 11:26:41 | Հայաստան | Ի՞նչ է գրում մամուլը
Ազատություն. Թուրքիան պատրաստ է կազմակերպել Ուկրաինայի և Ռուսաստանի բանակցությունները, երբ նման երկխոսության համար լինեն անհրաժեշտ պայմաններ: Այդ մասին հայտարարել է Թուրքիայի արտգործնախարար Հաքան Ֆիդանը։
Նա ընդգծել է, որ Թուրքիան ի սկզբանե քաղաքական և ռազմավարական աջակցություն է ցուցաբերել Ուկրաինայի ինքնիշխանությանը, անկախությանը և տարածքային ամբողջականությանը՝ Ղրիմը ներառյալ:
Նախարարը հավելել է, որ իր երկիրն օգնել է կանխել սննդամթերքի համաշխարհային շուկայի ապակայունացումը Սև ծովով հացահատիկի փոխադրման գործարքի միջոցով։
«Մենք պատրաստ ենք կրկին ընդունել խաղաղ բանակցությունները, երբ դրա համար պայմաններ լինեն: Բայց եկեք պարզ լինենք՝ սա այն խնդիրը չէ, որը հնարավոր է միայնակ լուծել: Հակամարտությունների դադարեցման կողմնակից երկրների միասնությունն ու համագործակցությունը կարագացնի խաղաղության ճանապարհը», - նշել է Ֆիդանը:
ՀԱՅԵՐԵՆ
Русский
English
Դաս. հայերեն
French
