Այսօր Բաքվում կհանդիպեն Ադրբեջանի, Թուրքիայի և Վրաստանի պաշտպանության նախարարները
27-11-2023 11:51:43 | Հայաստան | Ի՞նչ է գրում մամուլը
Ազատություն. Այսօր Բաքվում կկայանա Ադրբեջանի, Թուրքիայի և Վրաստանի պաշտպանության նախարարներ Զաքիր Հասանովի, Յաշար Գյուլերի և Ջուանշեր Բուրչուլաձեի եռակողմ հանդիպումը, հաղորդում է ադրբեջանական Haqqin.az լրատվական գործակալությունը։
Յաշար Գյուլերը երեկ է ժամանել Բաքու։
Ըստ լրատվամիջոցի՝ Հասանովը, Գյուլերն ու Բուրչուլաձեն կքննարկեն երեք երկրների միջև ռազմական և պաշտպանական համագործակցության զարգացման հեռանկարները, համատեղ վարժանքների և այլ հարցեր։
Այս ձևաչափով վերջին հանդիպումն այս տարվա փետրվարին էր՝ Կարսում։
Վրացական կողմն այն ժամանակ հաղորդեց, որ «ուշադրություն է հատկացվել համատեղ զորավարժությունների կարևորությանը, ինչն է՛լ ավելի կմերձեցնի երեք երկրների զինվորականներին և կամրապնդի նրանց միջև հարաբերությունները»։
ՀԱՅԵՐԵՆ
Русский
English
Դաս. հայերեն
French
