Կմասնակցի՞ Նիկոլ Փաշինյանը ԱՊՀ ոչ պաշտոնական նիստին և ԵԱՏՄ գագաթնաժողովին. ՌԴ ԱԳՆ-ից մեկնաբանել են
29-11-2023 14:26:20 | Հայաստան | Ի՞նչ է գրում մամուլը
Հայկական ժամանակ. «Կարծում եմ՝ այս թեմայում պետք է խոսել ոչ թե հույս ունենալու, այլ կոնկրետ փաստ ունենալու մասին և դիրքորոշում հայտնել՝ իրականությունից ելնելով»:
Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով ՌԴ նախագահի օգնական Յուրի Ուշակովի հայտարարությունն այն մասին, որ ԱՊՀ ոչ պաշտոնական նիստին և ԵԱՏՄ մինչամանորյա գագաթնաժողովին ՀՀ վարչապետ Նիկոլ Փաշինյանը ներկա է գտնվելու:
«Եկեք սպասենք կոնկրետ գործողությունների, հետո նոր կկարողանանք մեկնաբանել»,- ասել է Զախարովան:
Հիշեցնենք՝ Յուրի Ուշակովըն ավելի վաղ հայտնել էր, թե ՌԴ-ն Հայաստանից ազդակ է ստացել այն մասին, որ ՀՀ վարչապետ Նիկոլ Փաշինյանը կմասնակցի ԱՊՀ երկրների ղեկավարների ավանդական ոչ պաշտոնական և դեկտեմբերին Սանկտ Պետերբուրգում կմասնակցի Եվրասիական տնտեսական միության (ԵԱՏՄ) պաշտոնական հանդիպմումներին:
ՀԱՅԵՐԵՆ
Русский
English
Դաս. հայերեն
French
