Այսօր տիեզերք կարձակվի Հայաստանի առաջին հայրենական արբանյակը՝ «Հայասաթ-1»-ը
01-12-2023 12:47:55 | Հայաստան | Ի՞նչ է գրում մամուլը
Ազատություն. SpaceX-ի Falcon 9 հրթիռով այսօր տիեզերք կարձակվի Հայաստանի առաջին հայրենական արբանյակը՝ «Հայասաթ-1»-ը, հաղորդում է «Բազումք» տիեզերական հետազոտությունների լաբորատորիան։
Արբանյակի թռիչքը տիեզերք կհեռարձակվի ուղիղ եթերով ժամը 21։00-ին։
Բարձր տեխնոլոգիական արդյունաբերության նախարարությունն ավելի վաղ տեղեկացրել էր, որ «Հայասաթ-1»-ի թռիչքը տիեզերք հետաձգվել է 2 օրով և այն երկրաշուրջ ուղեծիր կուղարկվի դեկտեմբերի 1-ին՝ Երևանի ժամանակով 22:18-ին:
Ըստ նախարարության՝ «Հայասաթ-1» արբանյակը ստեղծվել է «Բազումք»-ի և Գիտական նորարարության և կրթության կենտրոնի կողմից:
Արբանյակը մշակած «Բազումք»-ն այս տարվա սեպտեմբերի 7-ին նախարարության կողմից ստացել է տիեզերական գործունեություն իրականացնելու լիցենզիա:
Հայաստանը իր առաջին արբանյակը տիրեզերք է արձակել 2022-ի մայիսին։ Պաշտոնական տեղեկության համաձայն, ArmSat-1 արբանյակը գործելու է առնվազն չորս տարի։
ՀԱՅԵՐԵՆ
Русский
English
Դաս. հայերեն
French
