07-12-2023 22:24:41 | Հայաստան | Մամլո հաղորդագրություն
Հայաստանի Հանրապետության վարչապետի աշխատակազմը և Ադրբեջանի Հանրապետության նախագահի վարչակազմը համատեղ հայտարարություն են տարածել, որում ի թիվս այլ հարցերի, նաև ասված էր, որ առաջնորդվելով մարդասիրության արժեքներով, և որպես բարի կամքի դրսևորում, Ադրբեջանն ազատ է արձակում 32 հայ զինծառայողների:
Հայաստանի Հանրապետությունն իր հերթին, առաջնորդվելով մարդասիրության արժեքներով, և որպես բարի կամքի դրսևորում, ազատ է արձակում 2 ադրբեջանցի զինծառայողների:
Ադրբեջանական լրատվամիջոցները հայտնում են, որ 32 հոգանոց ցուցակում չկան և չեն կարող լինել ԼՂ նախկին ղեկավարներն ու պաշտոնյաները: Հայաստան չեն վերադառնա նաև Վագիֆ Խաչատուրյանը, Ալյոշա Խոսրովյանը։
Ազատ արձակվող 32 անձանցից 26-ը ձերբակալվել են 2020 թվականի դեկտեմբերին Հադրութի շրջանում, իսկ մնացած 6-ը տարբեր ժամանակներում՝ սահմանին:
apa.az-ը նաև ընդգծում է, որ այս համաձայնությունը ձեռք է բերվել Ադրբեջանի նախագահի աշխատակազմի և ՀՀ վարչապետի աշխատակազմի միջև ուղիղ բանակցությունների արդյունքում՝ առանց երրորդ երկրի միջնորդության։
ՀԱՅԵՐԵՆ
Русский
English
Դաս. հայերեն
French
