Դիտարկում ենք լրացուցիչ պատժամիջոցներ․ Բայդենը չի բացառել Նավալնիի մահվան պատճառով Ռուսաստանի դեմ նոր սանկցիաները
20-02-2024 16:00:08 | Հայաստան | Ի՞նչ է գրում մամուլը
Հայկական ժամանակ. ԱՄՆ-ն դիտարկում է Ռուսաստանի դեմ նոր պատժամիջոցներ սահմանելու հնարավորությունը՝ կապված գաղութում ընդդիմադիր քաղաքական գործիչ Ալեքսեյ Նավալնիի մահվան հետ։
Այս մասին Սպիտակ տանը լրագրողների հետ զրույցում հաստատել է ԱՄՆ նախագահ Ջո Բայդենը։
«Մենք արդեն ունենք պատժամիջոցներ, բայց մենք դիտարկում ենք լրացուցիչ պատժամիջոցներ, այո»,- ասել է Բայդենը՝ պատասխանելով լրագրողներից մեկի հարցին։
Ավելի վաղ, երբ հայտնի դարձավ ռուս ընդդիմադիր գործիչ Նավալնիի մահվան լուրը, Բայդենը չնախատեսված ճեպազրույց ունեցավ, որի ժամանակ հայտարարեց, որ ընդդիմադիրի մահվան պատասխանատվությունը կրում է ՌԴ նախագահ Վլադիմիր Պուտինը։
Միևնույն ժամանակ, լրագրողները հիշեցրել են Բայդենին 2021 թվականի նրա հայտարարությունը, որ Ալեքսեյ Նավալնիի մահվան դեպքում Ռուսաստանին և Վլադիմիր Պուտինին սպասվում են «կործանարար հետևանքներ», և խնդրել են պարզաբանել, թե ինչ հետևանքներ կլինեն այժմ։
Ջո Բայդենը ասել է, որ դիտարկում է «տարբերակների ամբողջ շրջանակը»։
ՀԱՅԵՐԵՆ
Русский
English
Դաս. հայերեն
French
