Առուշ Առուշանյանը մեկնաբանել է «Քաղաքացիական պայմանագիր» կուսակցության անդամակցության հայտ ներկայացնելու լուրերը
14-03-2024 16:00:00 | Հայաստան | Ի՞նչ է գրում մամուլը
Հայկական ժամանակ. Սյունիքի մարզի Գորիս համայնքի ղեկավար Առուշ Առուշանյանը մեկնաբանել է լուրերը, թե պատրաստվում է «Քաղաքացիական պայմանագիր» կուսակցությանը անդամակցության հայտ ներկայացնել:
«Ես քրիստոնյա Հայ եմ, իմ կուսակցությունն իմ Հայրենիքն է, իմ առաքելությունը՝ Հայի դարավոր թշնամուն պատժելը, պահի հրամայականը՝ մեր Հայրենիքի պաշտպանությունը։ Ես որևէ կուսակցության անդամ չեմ և որևէ կուսակցության հայտ չեմ ներկայացրել։ Շրջանառվող տեղեկությունները չեն համապատասխանում իրականությանը»,- նշել է նա:
Հիշեցնենք՝ Առուշանյանը մամուլի ուշադրության ակտիվ կենտրոնում է երեկվանից, երբ հայտնի դարձավ, որ ոչ սթափ վիճակում Երևանում վարել է «000 OO 00» համարանիշով մեքենան և մեկ տարով զրկվել վարելու իրավունքից:
Մեքենայի վրա տեղադրված համարանիշը օրեր առաջ է Առուշանյանի հայրը՝ Գագիկ Առուշանյանը, գնել աճուրդով:
ՀԱՅԵՐԵՆ
Русский
English
Դաս. հայերեն
French
