Տաջիկստանի նախագահ Էմոմալի Ռահմոնը պետական այցով Ադրբեջանում է
23-05-2024 15:29:25 | Հայաստան | Ի՞նչ է գրում մամուլը
Տաջիկստանի նախագահ Էմոմալի Ռահմոնը մայիսի 23-ին պետական այցով ժամանել է Բաքու։
Ինչպես հաղորդում է «Արմենպրես»-ը, այս մասին հայտնում են ադրբեջանական ԶԼՄ-ները։
Այցի շրջանակներում երկու երկրների նախագահների դեմ առ դեմ բանակցություններից հետո Իլհամ Ալիևի և Էմոմալի Ռահմոնի գլխավորությամբ կայացել է երկկողմ պատվիրակությունների ընդլայնված կազմով հանդիպումը։
Ընդլայնված կազմով հանդիպման ժամանակ տեղի է ունեցել երկու երկրների միջև տարբեր ոլորտներում համագործակցության վերաբերյալ մի շարք փաստաթղթերի ստորագրման արարողություն։
Վերջում Իլհամ Ալիևը և Էմոմալի Ռահմոնը հանդես են եկել մամուլի համար հայտարարություններով։