ԵՐԵՎԱՆ, 15 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հոկտեմբերի 15-ին Ֆուտբոլի աշխարհի 2010թ. առաջնության խմբային մրցաշարի չորրորդ փուլի ծրագրով Զենիցա քաղաքում տեղի կունենա Բոսնիա-Հայաստան ազգային հավաքականների հանդիպումը: Հայաստանի թիմում ընդգրկված է 19 ֆուտբոլիստ: Տարբեր պատճառներով թիմի հետ մրցավայր չեն մեկնել Կարեն Ալեքսանյանը, Արտավազդ Քարամյանը, Համլետ Մխիթարյանը: Հանդիպումը սկսվելու է Երեւանի ժամանակով 23:15 րոպեին եւ հեռարձակվելու է Հայաստանի հանրային հեռուստատեսությամբ:

---