ԳԵՂԱՆԿԱՐԻՉ ՌՈՒԴՈԼՖ ԽԱՉԱՏՐՅԱՆԻ ԸՆՏԱՆԻՔԸ 11 ԳԵՂԱՆԿԱՐՉԱԿԱՆ
ԱՇԽԱՏԱՆՔՆԵՐ Է ՆՎԻՐԵԼ ՀԱՅԱՍՏԱՆԻՆ
13-10-2008 19:05:00 | Հայաստան | Մշակույթ
ԵՐԵՎԱՆ, 13 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Մոսկվաբնակ գեղանկարիչ,
ՀՀ ժողովրդական նկարիչ Ռուդոլֆ Խաչատրյանի ընտանիքը օրերս 11
գեղանկարչական աշխատանքներ է նվիրել Հայաստանին: Մեկ տարի առաջ
կյանքից հեռացած գեղանկարչի աշխատանքները համալրել են Երեւանի
ժամանակակից արվեստի թանգարանում պահպանվող արվեստագետի նախկինում
ձեռք բերված այլ աշխատանքների շարքը:
Ինչպես «ՆՈՅՅԱՆ ՏԱՊԱՆ»-ի թղթակցին հայտնեցին ՀՀ մշակույթի
նախարարությունից, նկարիչը ցանկություն ուներ իր 70-ամյա հոբելյանի
կապակցությամբ անհատական մեծ ցուցահանդես բացել Երեւանում, սակայն,
2007 թվականին Ռ.Խաչատրյանը հեռացավ կյանքից, իսկ երզանքը մնաց
անկատար:
Ըստ նույն աղբյուրի, Հայաստանի կառավարությունը որոշում է
ընդունել Ժամանակակից արվեստի թանգարանի նոր շենք կառուցելու
մասին, եւ երբ այն պատրասի լինի, նկարիչը կներկայացվի ավելի լայն
մասշտաբով:
Հիշեցնենք, որ Ռ. Խաչատրյանը ծնվել է Երեւանում, տարբեր
ժամանակահատվածներում ապրել Լոնդոնում եւ Մոսկվայում: Արժանացել է
շատ պարգեւների: Անհատական ցուցահանդեսներով ներկայացել է
Մոսկվայում, Սանկտ Պետերբուրգում, Լոս Անջելեսում, Լոնդոնում,
Երեւանում եւ այլուր: