ԵՐԵՎԱՆ, 2 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: 2008թ.-ի սեպտեմբերին օգոստոսի համեմատ Հայաստանի ծառայությունների շուկայում գրանցված 0,6% հավելաճի վրա իր որոշակի ազդեցությունն է թողել մշակույթի ոլորտի (3,9%), կրթության համակարգի (3%), հանգստի կազմակերպման (0,6%), տրանսպորտի (0,6%) ծառայությունների սակագների հավելաճը: ՀՀ Ազգային վիճակագրական ծառայության տվյալներով, կենցաղային բնույթի, բուժսպասարկման, իրավական ու բանկային, հանրային սննդի ծառայությունների սակագները նշված ժամանակահատվածում աճել են 0,1-0,3%-ով, իսկ բնակարանային, կոմունալ եւ կապի ծառայությունների սակագները նախորդ ամսվա համեմատ մնացել են անփոփոխ:

---