Մեր երկրի տարածքային ամբողջականությունը վտանգված է, բայց պահպանենք մեր լեզուն, որը մեզանից ոչ ոք չի կարող խլել. պրոֆեսոր Էդուարդ Մանուկյան
07-04-2025 11:19:37 | | Հասարակություն
Մեր երկրի տարածքային ամբողջականությունը վտանգված է, բայց պահպանենք մեր լեզուն, որը մեզանից ոչ ոք չի կարող խլել:
Հարգելի ազգակից, առաջարկում ենք անվճար օգտվել հայերեն լեզվի յուրացման հնարավորությունից: Այդ նպատակով Ձեր հեռախոսի՝ սմարթֆոնի գուգլի պատուհանում լրացրեք «ԻՍՄԱ» բառը: Կստանաք անվճար ծառայություն, որը Ձեզ կօգնի սովորել հայերեն այբուբենը, հարստացնել Ձեր բառապաշարը, կազմել և վերլուծել հայերեն ոչ բարդ նախադասություններ: Սա Ձեզ կօգնի իրականացնել հայերենի ինքնաուսուցման համակարգը, որը կակտիվացնի Ձեր հեռախոսը:
Այստեղ ընտրեք Ձեր մուտքային լեզվի տարբերակը, որպես ելքային ընտրեք «Հայերեն» տարբերակը: Մուտքագրեք որևէ բառ օտար լեզվով, օրինակ՝ «книга» , սեղմեք «Թարգմանել» կոճակը: Ելքային պատուհանում կստանաք այդ բառի թարգմանությունը հայերենով, ինչպես նաև այդ բառի բացատրությունը Ձեր ցանկալի լեզվով: Կարող եք նշել նաև թարգմանած բառի յուրաքանչյուր տառի վրա, կլսեք և կյուրացնեք յուրաքանչյուր տառի հնչողությունը:
Այս ամենը չի պահանջում ոչ մի վճարում: Ծառայությունը Ձեզ մատուցում է Հայաստանում կազմակերպված հասարակական ԻՍՄԱ կազմակերպությունը:
Հարգելի ազգակից, ողջ աշխարհում մենք ունենք առնվազն 9 միլիոն հայ: Խնդրում ենք օժանդակել այս հայերենի ինքնաուսուցման համակարգի տարածմանը հայերի մեջ: Այդ նպատակով խնդրում ենք այս նամակը պատճենել և ուղարկել Ձեզ հայտնի որևէ գոնե երկու հայի էլեկտրոնային փոստին և դրանով դուք կկատարեք ազգային մեծ գործ:
ՀԱՅԵՐԵՆ
Русский
English
Դաս. հայերեն
French
