Թբիլիսին պատրաստ է նպաստել Բաքվի և Երևանի միջև խաղաղ համաձայնագրի կնքմանը․ Բոճորիշվիլի
22-04-2025 15:46:13 | Հայաստան | Ի՞նչ է գրում մամուլը
shantnews. Վրաստանը ողջունում է Ադրբեջանի և Հայաստանի միջև խաղաղության համաձայնագրի տեքստի հաստատումը և պատրաստ է նպաստել տարածաշրջանում խաղաղության և համագործակցության ամրապնդմանը։
Այս մասին Վրաստանի արտգործնախարար Մակա Բոճորիշվիլին հայտարարել է ԵԱՀԿ գլխավոր քարտուղար Ֆերիդուն Սինիրլիօղլուի հետ համատեղ ճեպազրույցում։
Նրա խոսքով, Վրաստանն անկեղծորեն ցանկանում է նպաստել Հարավային Կովկասի տարածաշրջանում խաղաղությանն ու կայունությանը։
«Ուրախ եմ, որ անցյալ շաբաթ Թբիլիսիում տեղի ունեցավ Վրաստանի, Ադրբեջանի և Հայաստանի փոխարտգործնախարարների եռակողմ հանդիպումը, և հուսով եմ, որ այս ձևաչափով մենք կկարողանանք համագործակցել տարածաշրջանի բարգավաճման համար»,- նշել է նա։
ՀԱՅԵՐԵՆ
Русский
English
Դաս. հայերեն
French
