Վարչապետը հրաժեշտի հանդիպում է ունեցել Շվեդիայի դեսպանի հետ
03-07-2025 14:47:21 | Հայաստան | Մամլո հաղորդագրություն
Վարչապետ Նիկոլ Փաշինյանն ընդունել է Հայաստանում Շվեդիայի արտակարգ և լիազոր դեսպան Պատրիկ Սվենսոնին, ով ավարտում է դիվանագիտական առաքելությունը մեր երկրում:
Վարչապետը նշել է, որ վերջին տարիներին Հայաստանի և Շվեդիայի միջև համագործակցությունը շարունակել է զարգանալ ու ընդլայնվել: Նիկոլ Փաշինյանն այդ գործում ընդգծել է դեսպան Սվենսոնի անձնական ներդրումը: Միաժամանակ, վարչապետը կարևորել է Շվեդիայի աջակցությունը Հայաստան-Եվրոպական միություն հարաբերությունների շարունակական զարգացման գործում:
Պատրիկ Սվենսոնը շնորհակալություն է հայտնել ՀՀ Կառավարությանը սերտ համագործակցության համար և հույս հայտնել, որ առաջիկայում ևս երկու երկրների միջև փոխգործակցությունը կշարունակի ընդլայնվել տարբեր ուղղություններով:
Վարչապետը դեսպանին մաղթել է հաջողություններ հետագա գործունեության ընթացքում:
ՀԱՅԵՐԵՆ
Русский
English
Դաս. հայերեն
French
