ՆԳՆ հաշվառման-քննական ստորաբաժանումները կաշխատեն նաև առաջիկա շաբաթ օրերին
01-12-2025 18:11:36 | Հայաստան | Մամլո հաղորդագրություն
Քաղաքացիներին առավել հասանելի ծառայություն տրամադրելու, ծանրաբեռնվածությունը թոթափելու և հերթերից խուսափելու նպատակով՝ ՆԳՆ հաշվառման-քննական ստորաբաժանումները կաշխատեն նաև առաջիկա շաբաթ օրերին։
«Մասնավորապես՝ դեկտեմբերի 6-ին, 13-ին և 20-ին Երևանի և մարզերի հաշվառման-քննական ստորաբաժանումների համար սահմանվել են աշխատանքային օրեր՝ ժամը 9:00-ից մինչև 18:00-ը ներառյալ:
Քաղաքացիները գործարք կատարելու համար կարող են նախապես հերթագրվել Roadpolice.am հարթակի, ինչպես նաև EarlyOne մոբայլ հավելվածի միջոցով և սպասարկվել իրենց հարմար ժամերին։
Քաղաքացիակենտրոն, որակյալ ու հարմարավետ ծառայությունների մատուցումը մշտապես ՆԳ նախարարության ուշադրության կենտրոնում է. այդ ուղղությամբ քայլերը շարունակական են»:
ՀԱՅԵՐԵՆ
Русский
English
Դաս. հայերեն
French
