Դրական լուծման միտում ես տեսնում եմ. Ալեն Սիմոնյանը՝ Բաքվում պահվող անձանց վերադարձի հարցի մասին
10-12-2025 15:03:28 | Հայաստան | Ի՞նչ է գրում մամուլը
1lurer. ԱԺ նախագահ Ալեն Սիմոնյանը լրագրողների հետ ճեպազրույցի ժամանակ անդրադարձել է Ադրբեջանում պահվող հայ գերիների և քաղաքացիական անձանց վերադարձի խնդրին:
«Մենք արդեն բազմիցս ասել ենք, որ դրա մասին բարձրաձայն չենք խոսում, բայց աշխատանքները ոչ մի հանդիպման ժամանակ՝ լինի դա հանդիպում ադրբեջանական կողմի թե միջազգային ներկայացուցիչների հետ, որևիցե դեսպան, պատվիրակություն, այց, խոսակցություն չկա, որտեղ զրույցի մեջ չկա գերիների և պահվող անձանց վերաբերյալ, ինչպես նաև անհայտ կորածների վերաբերյալ կետ»,- ասաց Ալեն Սիմոնյանը:
Նա վստահեցրեց, որ այդ ուղղությամբ աշխատանքը կշարունակվի այնքան ժամանակ, մինչև հարցը վերջնականապես լուծվի:
«Դրական լուծման միտում ես տեսնում եմ»,- ասաց ԱԺ նախագահը:
ՀԱՅԵՐԵՆ
Русский
English
Դաս. հայերեն
French
