Իրանի արտգործնախարարը հնարավոր է համարում ԱՄՆ-ի հետ արդյունավետ բանակցությունները. CNN
02-02-2026 12:31:55 | Հայաստան | Ի՞նչ է գրում մամուլը
1lurer. Իրանի արտգործնախարար Աբբաս Արաղչին կարծիք է հայտնել, որ Թեհրանը և Վաշինգտոնը կարող են բանակցություններ վարել և համաձայնության գալ Իրանի միջուկային ծրագրի շուրջ, հաղորդել է CNN-ը։
«Ես տեսնում եմ նոր բանակցությունների հնարավորություն, եթե ԱՄՆ բանակցային թիմը հետևի նախագահ Թրամփի ասածին՝ հասնել արդար համաձայնության և ապահովել միջուկային զենքի բացակայությունը»,- ասել է Արաղչին հեռուստաալիքի հետ հարցազրույցում։
Նա նշել է, որ Մերձավոր Արևելքի մի քանի բարեկամ երկիր հանդես է գալիս որպես միջնորդ և ձգտում վերականգնել փոխադարձ վստահությունը երկու կողմի միջև։
Ըստ ԶԼՄ-ների՝ Թուրքիան, Եգիպտոսը և Կատարն աշխատում են ԱՄՆ նախագահի հատուկ ներկայացուցիչ Սթիվ Ուիթքոֆի և իրանցի բարձրաստիճան պաշտոնյաների միջև հանդիպում կազմակերպելու ուղղությամբ։ Այն կարող է տեղի ունենալ Անկարայում՝ արդեն հաջորդ շաբաթ։
Սպիտակ տունը հաղորդել է, որ ԱՄՆ նախագահ Դոնալդ Թրամփը դեռևս որոշում չի կայացրել Իրանին հարված հասցնելու հարցում և բաց է դիվանագիտական լուծման համար։ ԱՄՆ վարչակազմը պահանջում է, որ Թեհրանը, ի թիվս այլ հարցերի, հրաժարվի իր միջուկային ծրագրից և սահմանափակի հրթիռային ծրագիրը։
ՀԱՅԵՐԵՆ
Русский
English
Դաս. հայերեն
French
