Իրանը առաջիկա օրերին ակնկալում է դիվանագիտական հաջողություններ Միացյալ Նահանգների հետ հարաբերություններում
02-02-2026 15:57:12 | Իրան | Ի՞նչ է գրում մամուլը
shantnews.am Թեհրանը քննարկում է Միացյալ Նահանգների հետ լարվածությունը կարգավորելու դիվանագիտական տարբերակները, հայտարարել է Իրանի արտաքին գործերի նախարարության խոսնակ Էսմայիլ Բաղային։
Բաղային հավելել է, որ «Թեհրանը արդյունքների հույս ունի մոտակա օրերին»։
Նախօրեին Իրանի արտգործնախարար Աբբաս Արաղչին հայտարարել էր , որ Թեհրանն ու Վաշինգտոնը կարող են բանակցություններ վարել և համաձայնության գալ իրանական միջուկային ծրագրի շուրջ։
«Ես տեսնում եմ նոր բանակցությունների հնարավորություն, եթե ԱՄՆ բանակցային թիմը հավատարիմ մնա նախագահ Թրամփի ասածին՝ արդար համաձայնության գալ և ապահովել միջուկային զենքի բացակայությունը», – ասել է նա CNN-ին։
Նախարարի խոսքով՝ Մերձավոր Արևելքի տարածաշրջանում մի քանի բարեկամ երկրներ հանդես են գալիս որպես միջնորդներ և ձգտում են վերականգնել երկու կողմերի միջև փոխադարձ վստահությունը։
ՀԱՅԵՐԵՆ
Русский
English
Դաս. հայերեն
French
