Ռուսաստանը պատրաստ է համարժեք պատասխան տալ, եթե ԱՄՆ-ը սկսի ռազմականացնել Գրենլանդիան. Ռյաբկով
03-02-2026 17:43:38 | Ռուսաստան | Ի՞նչ է գրում մամուլը
1lurer.am Ռուսաստանի փոխարտգործնախարար Սերգեյ Ռյաբկովը մեկնաբանել է Գրենլանդիայի շուրջ ստեղծված իրավիճակը և Դոնալդ Թրամփի հայտարարությունները, որ կղզում հարկավոր է մեծացնել ամերիկյան վերահսկողությունը, այլապես դա կանեն Ռուսաստանը և Չինաստանը: Ռյաբկովը նախազգուշացրել է՝ Ռուսաստանը պատրաստ է համարժեք ռազմատեխնիկական պատասխան տալ, եթե ԱՄՆ-ը սկսի ռազմականացնել Գրենլանդիան և այնտեղ «Ոսկե գմբեթ» ՀՕՊ համակարգեր տեղակայի: Ռյաբկովը հավելել է, որ կղզուն Ռուսաստանից կամ Չինաստանից սպառնացող վտանգի մասին խոսույթն անհիմն է:
Ինչ վերաբերում է Իրանին և Իսլամական Հանրապետության միջուկային ծրագրին՝ Ռուսաստանի փոխարտգործնախարարը մեղադրել է Վաշինգտոնին՝ Թեհրանի հետ վերջնագրերով խոսելու համար:
Ռյաբկովը նաև հայտարարել է՝ Ռուսաստանի և Միացյալ Նահանգների միջև ռազմավարական կայունության շուրջ երկխոսությունն անհնար է առանց Մոսկվայի նկատմամբ Վաշինգտոնի վարած արտաքին քաղաքականության փոփոխման։ Նրա խոսքով՝ այժմ այդ հարցով երկխոսություն սկսելու նախադրյալներ չկան:
Միևնույն ժամանակ, ԱԳՆ-ից տեղեկացրել են, որ Մոսկվան Վաշինգտոնին է փոխանցել երկկողմ հարաբերությունների վերականգնման ճանապարհին առկա խոչընդոտները հաղթահարելու առաջարկներ:
ՀԱՅԵՐԵՆ
Русский
English
Դաս. հայերեն
French
