Վաշինգտոնը հայտարարել է, որ պատերազմը կարող է տևել ևս 4-6 շաբաթ
07-03-2026 15:45:11 | ԱՄՆ | Ի՞նչ է գրում մամուլը
1lurer.am Վաշինգտոնը հայտարարել է, որ պատերազմը կարող է տևել ևս 4-6 շաբաթ: Սպիտակ տունը նաև մեկնաբանել է Դոնալդ Թրամփի հայտարարությունը, որ Իրանը պետք է հանձնվի:
«Նախագահը՝ որպես ԱՄՆ զինված ուժերի գլխավոր հրամանատար, ինքը կորոշի, թե երբ Իրանն այլևս սպառնալիք չի ներկայացնում Միացյալ Նահանգների համար, և երբ «Էպիկական ցասում» գործողության նպատակները կարող են լիովին իրականացված համարվել։ Իրանական կողմի հարվածների ինտենսիվությունն էլ նվազել է 90 տոկոսով»,- նշել է Սպիտակ տան խոսնակ Քերոլայն Լևիթը:
Ինչ վերաբերում է լուրերին, որ Ռուսաստանն աջակցություն է տրամադրում Իրանին՝ Լևիթը նշել է, որ դա չի ազդի ամերիկյան գործողությունների վրա:
Դոնալդ Թրամփն էլ տեղեկացրել է, որ հանդիպել է ամերիկյան պաշտպանական արդյունաբերության խոշոր ընկերությունների հետ, համաձայնություն է ձեռք բերվել քառապատկել «բացառիկ դասի» ռազմատեխնիկայի արտադրությունը:
ՀԱՅԵՐԵՆ
Русский
English
Դաս. հայերեն
French
