ՄԻՆՉԵՎ ՏԱՐԵՎԵՐՋ ՄԻ ՇԱՐՔ ԵՐԿՐՆԵՐ ԿԱՐՈՂ ԵՆ ԶՈՐՔԵՐԸ ԴՈՒՐՍ
ԲԵՐԵԼ ԻՐԱՔԻՑ
10-09-2008 17:48:00 | ԱՄՆ | Միջազգային
ՎԱՇԻՆԳՏՈՆ, 10 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Իրաքի տարածքում
կոալիցիոն զորքերի թվակազմը մինչեւ տարվա վերջ կարող է նկատելիորեն
կրճատվել բազմաթիվ երկրների կողմից իրենց զորակազմերը դուրս
բերելու արդյունքում:
Ինչպես հաղորդում է ԻՏԱՌ-ՏԱՍՍ-ը, Սպիտակ տան բարձրաստիճան
ներկայացուցիչներից մեկը, որը չի ցանկացել ներկայանալ, հայտնել է
որ ԱՄՆ-ը վերանայում է իր զորքերի կառուցվածքը Իրաքում եւ
պատրաստվում է ձեւափոխել կոալիցիան այդ երկրում իրադրության
բարելավման առնչությամբ:
Ըստ նրա, «հաջորդող 90 օրերի ընթացքում 29 երկրներից իրենց
զորակազմը այնտեղ կթողնեն միայն ոչ մեծ թվով պետություններ»: