ՎԱՏԻԿԱՆԸ ՔՆՆԱԴԱՏԵԼ Է ԵՎՐՈՊԱՅՈՒՄ ՀՀՊ ՏԵՂԱԿԱՅԵԼՈՒ ԱՄՆ-Ի
ՈՐՈՇՈՒՄԸ
25-08-2008 17:02:00 | Վատիկան Սիթի | Միջազգային
ՎԱՏԻԿԱՆ, 25 ՕԳՈՍՏՈՍԻ, ՆՈՅՅԱՆ ՏԱՊԱՆ: Լեհաստանում եւ
Չեխիայում ՀՀՊ տարրերի տեղակայման մասին ԱՄՆ-ի որոշումը կարող է
սպառնալիքի տակ դնել «միջազգային հարաբերությունները, ինչպես նաեւ
համընդհանուր զինաթափման գործընթացը»: Ինչպես հաղորդում է
«Ինտերֆաքսը», այս մասին ասվում է «Միջազգային հարաբերությունների
սկզբունքը եւ զինաթափումը սպառնալիքի տակ» հոդվածում, որ
հրապարակվել է Սուրբ աթոռի L'Osservatore Romano պաշտոնաթերթի
առաջին էջում:
Միաժամանակ Հռոմի պապ Բենեդիկտոս XVI-ը մտահոգություն է
արտահայտել Հարավային Օսեթիայի դեմ վրացական ագրեսիայի պատճառով
Ռուսաստանի եւ Արեւմուտքի հարաբերություններում լարվածության աճի
առնչությամբ:
«Մենք ստիպված ենք վշտով փաստել վստահության եւ
համագործակցության մթնոլորտի բարդացման վտանգը, որ պետք է հատուկ
լինեն երկրների հարաբերություններին»,- ասել է Բենեդիկտոս XVI-ը
Կաստելգանդոլֆոյի իր ամառային նստավայրում կիրակնօրյա քարոզի
ժամանակ: