ՆՈՐԱՅՐ ԲԱԽՏԱՄՅԱՆԸ 4-ՐԴ ՏԵՂԸ ԳՐԱՎԵՑ ԵՎՐՈՊԱՅԻ ԱՌԱՋՆՈՒԹՅՈՒՆՈՒՄ
03-03-2008 19:00:00 | Հայաստան | Սպորտ
ԵՐԵՎԱՆ, 3 ՄԱՐՏԻ, ՆՈՅՅԱՆ ՏԱՊԱՆ: Մարտի 2-ին Շվեյցարիայի
Վինտերտուր քաղաքում ավարտվեց հրաձգության Եվրոպայի առաջնությունը:
Նորայր Բախտամյանը 10 մ մրցատարածությունում (ատրճանակ) վաստակեց
583 միավոր եւ 68 մասնակիցների պայքարում գրավեց 4-րդ տեղը: Անի
Առաքելյանը (հրացան) 70 մասնակիցների մեջ 390 միավորով զբաղեցրեց
58-րդ հորիզոնականը:
Հայաստանի հրաձգության հավաքականը Երեւանում կնախապատրաստվի
ապրիլի 10-21-ին Պեկինում անցկացվելիք աշխարհի գավաթի խաղարկության
հերթական փուլի ծրագրով «Նախաօլիմպիական շաբաթ» մրցաշարին: