Հայտնի ջազմեն Ջորջ Բենսոնը մեկ համերգ կունենա Երեւանում
29-10-2008 18:30:00 | Հայաստան | Մշակույթ
ԵՐԵՎԱՆ, 29 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: «Ամերիա» բանկն իր
գլխամասային գրասենյակի բացման կապակցությամբ, որը տեղի է
ունենալու նոյեմբերի 12-ին, ջազի սիրահարներին նվիրելու է բացառիկ
համերգ. առաջին անգամ Հայաստանում մեկ համերգով հանդես կգա հայտնի
երաժիշտ Ջորջ Բենսոնը (ԱՄՆ):
Համերգը տեղի կունենա Կարեն Դեմիրճյանի անվան համալիրում`
նոյեմբերի 12-ին ժամը 19:30-ին:
Համերգը կկայանա Հայաստանի նախագահի բարձր հովանու ներքո, ՀՀ
մշակույթի նախարարության աջակցությամբ եւ «21-ի հեռանկարներ»
10-րդ երաժշտական միջազգային փառատոնի շրջանակներում:
Ջորջ Բենսոնը «Գրեմի» մրցանակի արժանացած ամերիկացի երաժիշտ է,
որը սկսել է ձայնագրվել 21 տարկենում որպես ջազ գիտարիստ: Նա նաեւ
հայտնի է որպես փոփ, R&B, սքաթ ոճերի երգիչ: 1980-ական թվականներին
Ջորջ Բենսոնը եղել է առավել հռչակավոր երաժիշտներից մեկը Միացյալ
Նահանգներում եւ մինչ այսօր շարունակում է պահպանել իր բարձր
վարկանիշը: Նա հայտնի է նաեւ որպես ունիկալ իմպրովիզատոր, վոկալիստ եւ
գործիքավորող: