ԵՐԵՎԱՆ, 9 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Ջոն Լենոնը հոկտեմբերի
9-ին կդառնար 68 տարեկան: Երաժշտության ասպարեզում հեղափոխություն
կատարած «Բիթըլզ» խմբի անզուգական կատարող Ջոն Լենոնին այսօր էլ
հիշում եւ երկրպագում են ինչպես նրա սերնդակիցները, այնպես էլ
երիտասարդները: «Բիթըլզ» երաժշտական ակումբում այսօր կկայանա Ջոն
Լենոնին նվիրված երեկո` «Սակվոյաժ» խմբի մասնակցությամբ:
Ս.Փարաջանովի տուն-թանգարանի տնօրեն, լուսանկարիչ Զավեն
Սարգսյանը, ով մինչեւ օրս էլ «Բիթըլզի» մոլի երկրպագուներից է,
հոկտեմբերի 9-ի ասուլիսում նշեց, որ այդ երաժշտախմբի կարեւոր
հատկանիշներից մեկն այն է, որ կարողանում է համախմբել իր նման
մտածող մարդկանց. «Նրանք հեռու են նյութական ամեն ինչից, ազատ են,
ազնիվ ու մաքուր»: Նա երիտասարդներին խորհուրդ տվեց շատ լսել
«Բիթըլզ», եւ ավելացրեց, որ «այսօր Հայաստանում մոդայիկ չէ լսել
«Բիթըլզին», սակայն նրանց մեկ անգամ լսողը այլեւս չի մոռանում. դա
ճաշակ է, դա իսկական արվեստ է»:
«Բիթըլզ» երաժշտական ակումբի տնօրեն Աբրահամ Տեր-Դավթյանը
նշեց, որ իրենց ակումբը խրախուսում եւ պրոպագանդում է «Բիթըլզ»-ի
երաժշտությունը: