Իլինոիսի նախկին նահանգապետին սպառնում է 300 տարվա ազատազրկում
28-06-2011 08:19:00 | ԱՄՆ | Միջազգային
Իլինոիս նահանգի նախկին նահանգապետ Ռոդ Բլագոեւիչը երկուշաբթի մեղավոր է ճանաչվել ԱՄՆ-ի Սենատում Բարաք Օբամայի նախագահ ընտրվելուց հետո ազատված տեղը վաճառելու փորձի համար:
«Ազատություն» ռադիոկայանի ռուսական ծառայության հաղորդմամբ` դատարանը նրան մեղադրել է նաեւ այլ հանցագործությունների մեջ: Ընդհանուր առմամբ` նախկին նահանգապետին սպառնում է մինչեւ 300 տարվա ազատազրկում, սակայն կարծիք կա, որ նրան, հավանաբար, կդատապարտեն 10 տարվա ազատազրկման:
Նշենք, որ սա Բլագոեւիչի գործով երկրորդ գործընթացն է: Անցած տարի նրա դեմ ուղղված մեղադրանքներից ապացուցվել էր միայն մեկը: