ՆՈՒԲԱՐԱՇԵՆԻ ՀՈԳԵԲՈՒԺԱՐԱՆՈՒՄ ԳՏՆՎՈՂ ՔԱՂԱՔԱՑԻՆ ՀԱՅՏԱՐԱՐԵԼ Է,
ՈՐ ԻՐ ՆԿԱՏՄԱՄԲ ԾԵԾ ԵՎ ԲՌՆՈՒԹՅՈՒՆ Է ԿԻՐԱՌՎԵԼ
01-07-2008 21:24:00 | Հայաստան | Իրավունք
ԵՐԵՎԱՆ, 1 ՀՈՒԼԻՍԻ, ՆՈՅՅԱՆ ՏԱՊԱՆ: ՀՀ Մարդու իրավունքների
պաշտպան Արմեն Հարությունյանին հասցեագրված դիմումի քննության
ընթացքում պարզվել է, որ հունիսի 24-ից ՀՀ ԱՆ «Հոգեբուժական
բժկական կենտրոն»-ի Նուբարաշեն հոգեբուժական կլինիկայում գտնվող
Երեւան քաղաքի բնակիչ Հ.Բ.-ի հոգեկան վիճակի խանգարումը
պայմանավորված է եղել նրա նկատամամբ ծեծ եւ բռնություն կիրառելու
հետեւանքով:
Ինչպես «ՆՈՅՅԱՆ ՏԱՊԱՆ»-ին հայտնում են ՀՀ Մարդու իրավունքների
պաշտպանի աշխատակազմի Տեղեկատվության եւ հասարակայնության հետ
կապերի բաժնից, ղեկավարվելով «Մարդու իրավունքների պաշտպանի մասին»
ՀՀ օրենքի 12 հոդվածի պահանջներով, Ա.Հարությունյանը Հ.Բ.-ի հարցի
կապակցությամբ դիմել է ՀՀ առողջապահության նախարար Հարություն
Քուշկյանին: Պաշտպանը խնդրել է նախարարին հնարավորինս սեղմ
ժամկետներում հայտնել, թե ինչ հիվանդությամբ է տառապում Հ.Բ.-ն,
եւ, հաշվի առնելով այն, որ քաղաքացին նախկինում որեւէ հոգեկան
հիվանդությամբ չի տառապել եւ հոգեբուժական դիսպանսերում չի
հաշվառվել, պարզել` կարո՞ղ էր արդյոք այդ հիվանդությունն առաջանալ
ծեծի եւ բռնության արդյունքում: