ԱՄՆ-ի Կենտրոնական հետախուզական գործակալությունը (ԿՀԳ) ուսումնասիրում է Lulz Security հակերական խմբի հայտարարությունն այն մասին, իբր նրանք կոտրել են գերատեսչության կայքը: Ինչպես հաղորդում է Ռիա Նովոստին, լրագրողների հետ զրույցում ԿՀԳ մամուլի ծառայության ներկայացուցիչը չի հաստատել եւ չի հերքել կոտրելու մասին լուրը, բայց հայտնել է, որ «մենք ուսումնասիրում ենք հաղորդագրությունները (կոտրելու մասին)»: Հիշեցնենք, որ այս երկուշաբթի Lulz Security-ն հայտարարել էր, որ կոտրել է ԱՄՆ-ի սենատի կայքը: Սակայն, խորհրդարանական տեսուչի տեղակալ Մարտին Բրադֆորդը հայտնել է, որ նրանց միայն մուտք են գործել հասանելի փաստաթղթերի բազա: Նրանց չի հաջողվել մտնել ներքին փաստաթղթերի: Նշենք, որ այս պահին cia.gov կայքն արդեն գործում է:

---