ՊԵԿԻՆ, 16 ՀՈՒՆԻՍԻ, ՆՈՅՅԱՆ ՏԱՊԱՆ: Չինաստանի հարավային շրջաններում հեղեղումների հետեւանքով զոհվել կամ անհետ կորել է 200-ից ավելի մարդ: Այս մասին, ինչպես հաղորդում է «Ինտերֆաքսը», տեղեկացրել է ՉԺՀ քաղաքացիական ադմինիստրացիայի նախարարությունը: Ընդամենը երկրում հաշվում են ավելի քան 38 միլիոն տուժած, քշվել կամ ավերվել է մոտ 120 հազար տուն, 2,27 մլն հեկտար մակերեսի վրա ոչնչացվել կամ վնասվել է բերքը: Տնտեսական ուղղակի վնասը կազմել է 3,72 մլրդ դոլար:

---