ԱՄՄԱՆ, 13 ՀՈՒՆԻՍԻ, ՆՈՅՅԱՆ ՏԱՊԱՆ: Իրաքի եւ ԱՄՆ-ի միջեւ երկարաժամկետ ռազմավարական գործընկերության համաձայնագրի շուրջ բանակցությունները փակուղի են մտել: Այս մասին, ինչպես հաղորդում է ԻՏԱՌ-ՏԱՍՍ-ը, Հորդանանի մայրաքաղաք Ամմանում հայտարարել է Իրաքի վարչապետ Նուրի ալ-Մալիքին: «ԱՄՆ-ը ձգտում է սահմանափակել մեր ինքնիշխանությունը»,- ընդգծել է նա: Օրեր առաջ Իրաքի փոխվարչապետ Բարհամ Սալեհը նշել էր, որ նախապատրաստվող համաձայնագիրը, որ պետք է հստակեցնի Բաղդադի եւ Վաշինգտոնի միջեւ հարաբերությունների ապագա կարգավիճակը, ամերիկյան զորքերին իրաքյան տարածքում գոծողությունների ազատություն չի ընձեռի:

---