ԱՄՆ-Ը ՉԻ ԾՐԱԳՐՈՒՄ ՄՇՏԱԿԱՆ ՌԱԶՄԱԲԱԶԱՆԵՐ ՏԵՂԱԿԱՅԵԼ ԻՐԱՔՈՒՄ
11-06-2008 18:25:00 | Գերմանիա | Միջազգային
ԲԵՌԼԻՆ, 11 ՀՈՒՆԻՍԻ, ՆՈՅՅԱՆ ՏԱՊԱՆ: ԱՄՆ-ը չի ծրագրում մշտական
ռազմաբազաներ տեղակայել Իրաքում: Այս մասին, ինչպես հաղորդում է
ԻՏԱՌ-ՏԱՍՍ-ը, հայտարարել է ԱՄՆ-ի նախագահ Ջորջ Բուշը ԳԴՀ կանցլեր
Անգելա Մերկելի հետ բանակցությունների արդյունքներին նվիրված մամլո
ասուլիսում:
«Կարծում եմ, ամեն բան կավարտվի Իրաքի հետ ռազմավարական
գործընկերության մասին համաձայնագրի ստորագրմամբ»,- ասել է Բուշը`
ընդգծելով, որ տվյալ պահին ամերիկյան զորակազմը մերձավորարեւելյան
այդ երկրում գտնվում է «ինքնիշխան իրաքյան կառավարության
հրավերով»: ԱՄՆ-ի նախագահը հերքել է իբր ծրագրվող մշտական բազաների
շինարարության մասին մամուլի կողմից տարածվող տեղեկությունները: