ԿԻԵՎ, 16 ՄԱՅԻՍԻ, ՆՈՅՅԱՆ ՏԱՊԱՆ: Մայիսի 16-ին Ուկրաինան
պաշտոնապես դարձավ Առեւտրի համաշխարհային կազմակերպության լիիրավ
անդամ: Այսպիսով, նա առաջ անցավ Ռուսաստանից, որի համար առայժմ
չլուծված հարց է մնում ԱՀԿ ընդունվելը:
ԱՀԿ ստեղծման Մարաքեշյան համաձայնագրին Ուկրաինայի միանալու
մասին արձանագրությունը ստորագրվել է Ժնեւում 2008 թվականի
փետրվարի 5-ին: Ապրիլի 10-ին խորհրդարանն ընդունել էր
հանրապետության ԱՀԿ անդամակցության մասին արձանագրությունը
վավերացնելու օրենքը: Ապրիլի 16-ին երկրի նախագահ Վիկտոր
Յուշչենկոն ստորագրեց այդ օրենքը, իսկ մայիսի 16-ին գործընթացն
ավարտվեց: