ԲԵՅՐՈՒԹ, 15 ՄԱՅԻՍԻ, ՆՈՅՅԱՆ ՏԱՊԱՆ: Լիբանանի կառավարող արեւմտամետ կոալիցիան եւ ընդդիմությունը պայմանավորվել են Արաբական պետությունների լիգայի միջնորդության պայմաններում սկսել հաշտեցման երկխոսություն: Այս մասին, ինչպես տեղեկացնում է ԻՏԱՌ-ՏԱՍՍ-ը, հաղորդել է «Ալ-Ջազիրա» հեռուստաալիքը: Համաձայնագրի կնքումը հնարավոր է դարձել այն բանից հետո, երբ Ֆուադ աս-Սինիորայի կառավարությունը չեղյալ է հայտարարել իր կողմից կանխավ ընդունված որոշումները ընդդիմությունը ղեկավարող «Հզբոլլահի» առնչությամբ:

---