ԿԻԵՎԻ ԸՆՏՐԱԿԱՆ ՇՏԱԲՆԵՐԸ ԳՆՈՒՄ ԵՆ ԸՆՏՐՈՂՆԵՐԻ ՁԱՅՆԵՐԸ
06-05-2008 18:30:00 | Ուկրաինա | Միջազգային
ԿԻԵՎ, 6 ՄԱՅԻՍԻ, ՆՈՅՅԱՆ ՏԱՊԱՆ: Կիեւում ընտրական շտաբների մեծ
մասը քաղաքապետի նախընտրական արշավի ընթացքում ձեռնամուխ են եղել
ընտրողների ձայների գնման: Մեկ ձայնի արժեքը հասնում է մինչեւ 100
դոլարի: Այս մասին, ինչպես հաղորդում է «Վզգլյադ» թերթը,
վկայակոչելով «Ունիան» գործակալությունը, հայտարարել է Գորշենինի
անվան հետազոտությունների ինստիտուտի տնօրեն, ուկրաինացի քաղաքագետ
Կոստ Բոնդարենկոն:
Ըստ փորձագետի, ինստիտուտը հեռախոսային հարցում է անցկացրել
ուկրաինական մայրաքաղաքում, որպեսզի պարզի, թե քաղաքապետական
արշավի մասնակիցներից ով է փող առաջարկում քվեաթերթիկի
համապատասխան նշման համար: Պարզվել է, որ ընտրական շտաբների մեծ
մասը անցել են ընտրողների ձայների ուղղակի գնման: