ԱԼԺԻՐ, 17 ԱՊՐԻԼԻ, ՆՈՅՅԱՆ ՏԱՊԱՆ: Ալժիրը պատրաստ է Ռուսաստանի հետ համաձայնագիր կնքել ատոմային էներգետիկայի բնագավառում համագործակցության մասին, հայտարարել է Ալժիրի էներգետիկայի եւ հանքահորերի նախարար Շաքիբ Խելիլը: Նախարարը հայտնել է, որ ապրիլի վերջին այդ նպատակով Մոսկվայից պատվիրակություն կժամանի Ալժիր: Համաձայնագրի ստորագրումը գործնական քայլ կդառնա երկու երկրների միջեւ պայմանավորվածությունների իրականացման ուղղությամբ, որոնք ձեռք են բերվել Ալժիրի պետության ղեկավարի վերջերս Մոսկվա կատարած այցի ժամանակ: Ալժիրը ատոմի խաղաղ օգտագործման ոլորտում համագործակցության մասին համաձայնագրեր է կնքել ԱՄՆ-ի, Ֆրանսիայի, ՉԺՀ-ի, Արգենտինայի եւ ՀԱՀ-ի հետ, հաղորդում է «Վզգլյադ» թերթը:

---