ԲՐՅՈՒՍԵԼ, 15 ԱՊՐԻԼԻ, ՆՈՅՅԱՆ ՏԱՊԱՆ: 2007 թվականին ավելի քան 1,25 հազար մարդ է աշխարհում դատարանի վճռով դատապարտվել մահապատժի, նշվում է Amnesty International միջազգային իրավապաշտպանական կազմակերպության զեկույցում: Մահապատիժների առավելագույն թվով երկրների առաջին հնգյակի մեջ են մտել Չինաստանը (առնվազն 470 մարդ անցած տարում), Իրանը (317), Սաուդյան Արաբիան (143), Պակիստանը (135) եւ ԱՄՆ-ը (42): Այս երկրներին է բաժին ընկնում, հետազոտության համաձայն, աշխարհում իրականացված բոլոր մահավճիռների 88%-ը:

---