ՀԱՅԱՍՏԱՆԻ ՌԵԳԲԻԻ ՀԱՎԱՔԱԿԱՆԸ ԵՎՐՈՊԱՅԻ ԱՌԱՋՆՈՒԹՅԱՆ ԾՐԱԳՐՈՎ
ԱԲՈՎՅԱՆՈՒՄ ԿՀՅՈՒՐԸՆԿԱԼԻ ԴԱՆԻԱՅԻ ԸՆՏՐԱՆՈՒՆ
10-04-2008 18:06:00 | Հայաստան | Սպորտ
ԵՐԵՎԱՆ, 10 ԱՊՐԻԼԻ, ՆՈՅՅԱՆ ՏԱՊԱՆ:Եվրոպայի ռեգբիի Ա խմբի
առաջնության երկրորդ ենթախմբի ընտրական փուլի ծրագրով ապրիլի 12-ին
Աբովյանի մարզադաշտում տեղի կունենա Հայաստանի եւ Դանիայի
հավաքականների պատասխան հանդիպումը: Անցյալ տարի Դանիայի Օդենսե
քաղաքում կայացած առաջին հանդիպման ժամանակ հաղթել են Հայաստանի
ռեգբիստները (11:3):
Հայաստանի թիմը համալրված է ֆրանսահայերով: Նրանք փորձառու
խաղացողներ են եւ ընդգրկված են Ֆրանսիայի առաջնության մասնակից
թիմերում: Երկրորդ ենթախմբում են նաեւ Շվեդիայի, Սերբիայի,
Շվեյցարիայի եւ Սլովենիայի հավաքականները:
Մայիսի 10-ին Հայաստանի ռեգբիստները կհյուրընկալեն սերբերին: