ՄՈԳԱԴԻՇՈ, 2 ԱՊՐԻԼԻ, ՆՈՅՅԱՆ ՏԱՊԱՆ: Սոմալիի մայրաքաղաք
Մոգադիշոյում սպանվել է արտաքին գործերի նախարարության
ներկայացուցիչը: Ստացվող հաղորդումների համաձայն, երկու զինված
անձինք մարտի 1-ին սեփական տան մոտ սպանել են Աբուբաքար Աբդուլլե
Նորին:
Ինչպես նշում է ԻՏԱՌ-ՏԱՍՍ-ը, սա առաջին մահափորձը չէ պետական
պաշտոնյաների դեմ իսլամիստ գրոհայինների կողմից, որոնք զինված
պայքար են մղում ընդդեմ անցումային կառավարության եւ երկրում
եթովպիական զորքերի ներկայության: Երկու օր առաջ իսլամիստների մի
խումբ հարձակում էր գործել երկրի ներքին գործերի նախարարի
նստավայրի դեմ: Փոխհրաձգության ընթացքում զոհվել էր մեկ զինվորական
եւ երկու իսլամիստ գրոհային: