ՊԵՆՏԱԳՈՆԻ ԱՇԽԱՏԱԿԻՑԸ ԽՈՍՏՈՎԱՆԵԼ Է ԼՐՏԵՍՈՒԹՅԱՆ ՄԵՂՔԸ
01-04-2008 18:25:00 | ԱՄՆ | Միջազգային
ՎԱՇԻՆԳՏՈՆ, 1 ԱՊՐԻԼԻ, ՆՈՅՅԱՆ ՏԱՊԱՆ: Պենտագոնի աշխատակիցը
իրեն մեղավոր է ճանաչել Չինաստանին գաղտնի տեղեկություններ
փոխանցելու մեջ: Այս մասին հայտնել են ԱՄՆ-ի արդարադատության
նախարարության ներկայացուցիչները:
Ըստ նրանց, ԱՄՆ-ի պաշտպանության նախարարության նախկին
վերլուծաբան, սպառազինությունների համակարգերի մասնագետ Գրեգ
Ուիլյամ Բերգերսենը իրեն մեղավոր է ճանաչել դավադրության մեջ`
գաղտնի տեղեկություններ այն անձանց փոխանցելու նպատակով, ովքեր
իրավունք չունեին դրանք ստանալու: Նրան սպառնում է մինչեւ 10 տարվա
բանտարկություն:
Բերգերսենը ձերբակալվել է այս տարվա փետրվարին Նոր Օռլեանի
չինացի երկու բնակիչների հետ միասին, որոնցից մեկը, ինչպես պնդում
է մեղադրող կողմը, կապված է եղել ՉԺՀ կառավարության հետ: