ԱՆՑԱԾ ՏԱՐԻ ՌՈՒՍԱՍՏԱՆՈՒՄ ՀԱՆՑԱԳՈՐԾՆԵՐԻ ԶՈՀ Է ԴԱՐՁԵԼ 2,5
ՀԱԶԱՐ ԵՐԵԽԱ
01-04-2008 18:21:00 | Ռուսաստան | Միջազգային
ՄՈՍԿՎԱ, 1 ԱՊՐԻԼԻ, ՆՈՅՅԱՆ ՏԱՊԱՆ: Անցած տարի Ռուսաստանում
հանցագործների զոհ է դարձել 2,5 հազար երեխա: Այս մասին, ինչպես
հաղորդում է «Նովոստի» գործակալությունը, հայտնել է ՌԴ
դատախազությանն առընթեր Քննչական կոմիտեի ԶԼՄ-ների հետ
փոխգործակցության բաժնի ղեկավար Վլադիմիր Մարկինը:
«Երեխաների դեմ հանցավոր ոտնձգությունների (սեռական
բռնություններ, սպանություններ, մարմնական վնասվածք պատճառել)
քանակը վերջին ժամանակներս մեծացել է: Միայն 2007 թվականին
կատարվել է 161 հազար հանցագործություն, որոնց հետեւանքով 2500
երեխա զոհվել է»,- ասել է նա: