ՀԵԼՍԻՆԿԻ, 1 ԱՊՐԻԼԻ, ՆՈՅՅԱՆ ՏԱՊԱՆ: Ֆիննական Ազգային կոալիցիոն կուսակցությունը որոշում է ընդունել Իլկկա Կաներվային ետ կանչել ԱԳՆ ղեկավարի պաշտոնից: Նոր նախարար է նշանակվել Եվրախորհրդարանի 40-ամյա անդամ, Ալեքսանդր Ստուբը, հաղորդում է ԻՏԱՌ-ՏԱՍՍ-ը` վկայակոչելով տեղական հեռուստատեսությունը: Ստուբը կստանձնի ոչ միայն Ֆինլանդիայի արտաքին քաղաքական գերատեսչության ղեկավարի, այլեւ ԵԱՀԿ գործող նախագահի պարտականությունները, որտեղ այդ երկիրը նախագահում է 2008 թվականի ընթացքում: Կաներվայի պաշտոնանկության պատճառները կուսակցության ղեկավարությունը կբացատրի հատուկ մամլո ասուլիսի ժամանակ: Ինչպես կանխավ հաղորդվել էր, Կաներվան հայտնվել էր ստրիպտիզի պարուհուն SMS-հաղորդագրություններ ուղարկելու հետ կապված սկանդալի կենտրոնում:

---